“საფრანგეთი დამატებით 200 მილიონ ევროს გამოყოფს უკრაინის კრიტიკული ინფრასტრუქტურისა და ეკონომიკის მხარდასაჭერად 2026 წლიდან”, – ამის შესახებ უკრაინის პრემიერ-მინისტრი იულია სვირიდენკო სოციალურ ქსელ X-ზე წერს.
იულია სვირიდენკო საფრანგეთს თანმიმდევრულობისთვის მადლობას უხდის.
“საფრანგეთი აგრძელებს წინსვლას – უკრაინასთან, როგორც უშუალო სამხედრო მხარდაჭერის, ასევე გრძელვადიანი ეკონომიკური თანამშრომლობის გაღრმავებას.
დღეს კიევში სამუშაო შეხვედრა გავმართე საფრანგეთის ევროპისა და საგარეო საქმეთა მინისტრ ჟან-ნოელ ბაროსთან.
ჩვენ განვიხილეთ სამხედრო დახმარება, ერთობლივი იარაღის წარმოება, ეკონომიკური აღდგენა, სანქციების პოლიტიკა და გრძელვადიანი თანამშრომლობა.
საფრანგეთი დამატებით 200 მილიონ ევროს გამოყოფს უკრაინის კრიტიკული ინფრასტრუქტურისა და ეკონომიკის მხარდასაჭერად 2026 წლიდან. წინა პროგრამის მოთხოვნა სამჯერ აღემატებოდა მის ბიუჯეტს, რაც მოწმობს როგორც უკრაინული, ასევე ფრანგული ბიზნესის მხრიდან ერთობლივი პროექტებისადმი დიდ ინტერესს.
ხელი მოეწერა ორ დეკლარაციას:
1. ახალი 200 მილიონი ევროს ფონდის შექმნის შესახებ.
2. თავდაცვის, ენერგეტიკის, დიგიტალიზაციისა და კრიტიკული მინერალების სფეროში სტრატეგიული თანამშრომლობის სამთავრობათაშორისო შეთანხმების მომზადების შესახებ.
ჩვენ ასევე განვიხილეთ უკრაინის დრონების პროგრამის დაფინანსება 2025 წელს და შესყიდვების დაჩქარების გზები. საფრანგეთმა წარმოადგინა იდეები უფრო მოქნილი, მიზანმიმართული სანქციების ჩარჩოსთვის.
მადლობას ვუხდი საფრანგეთს ინიციატივისთვის, თანმიმდევრულობისთვის და უკრაინის ბრძოლასა და მომავალში რეალური ჩართულობისთვის”, – წერს უკრაინის პრემიერ-მინისტრი.
